Blog

मनोगती – On Mind's Trail

आय.पी.एच.पुणेसाठी भावी स्वयंसेवकांची बैठक

आय.पी.एच. अर्थात इन्स्टिटयूट फॉर सायकॉलॉजिकल हेल्थ या संस्थेचे काम आता पुणे शहरात सुद्धा सुरू झाले आहे. मानसिक आरोग्य क्षेत्रात ज्या व्यक्तींना स्वयंसेवक म्हणून काम करायचे आहे. अशा सर्वांची एक बैठक मंगळवार दि. २४ एप्रिल २०१८ रोजी सायंकाळी ६ वाजता कर्वेनगर, पुणे येथील आय.पी.एच. केंद्रात आयोजित करण्यात आली आहे. या बैठकीमध्ये मनोविकास तज्ज्ञ डॉ. आनंद नाडकर्णी आणि पुणे केंद्राच्या समन्वयक डॉ. सुखदा चिमोटे स्वयंसेवकांशी संवाद साधणार आहेत.
आपल्या सर्वांच्या मनामध्ये दुसऱ्यांसाठी काहीतरी करण्याची इच्छा असते. परंतु कधीकधी आपल्याला दिशा मिळत नसते. एखाद्या विषयात रस असतो पण त्या कामाचे आणि आपल्या वेळाचे गणित नीटपणे बसत नाही. कधीकधी आपण सातत्य आणि चिकाटीमध्ये कमी पडतो. मधूनच उद्भवणाऱ्या वैयक्तिक, कौटुंबिक अडचणी तर असतातच.

म्हणजे स्वयंसेवकाच्या वृत्तीला योग्य वळण कसे द्यायचे हा आपल्यापुढचा प्रश्न असतो. लोकांना / संस्थेला मदत करताना स्वतःचा भावनिक लाभ जरूर डोळ्यापुढे ठेवावा. ह्या कामातून मी अधिक चांगला माणूस बनणार आहे ना, असे स्वतःला सांगावे … म्हणजे ‘स्वयंसेवा’ म्हणजे ‘परोपकार’ नव्हे हे आपल्या ध्यानात राहील.

मानसिक आरोग्याच्या क्षेत्रात काम करताना स्वयंसेवकांना सामना करावा लागतो समाजातील, मानसिक आरोग्यविषयक गैरसमजांचा. परंतु ह्या क्षेत्रातले कार्यरत स्वयंसेवक हाच मानसिक आरोग्याच्या कलंकमुक्तीचा (Destigmatization ) सज्जड पुरावा असतो.

आय.पी.एच.मध्ये स्वयंसेवकांचे प्रशिक्षण आणि सहभाग ह्याला आपण अतिशय महत्त्वपूर्ण स्थान देतो. म्हणूनच आय.पी.एच.चे स्वयंसेवकत्व ही एक विचारपूर्वक घेण्याची जबाबदारी आहे तसेच त्यामध्ये स्वयंविकास, सामाजिक बांधिलकी आणि ‘देण्याचा आनंद’ असे अनेक महत्त्वाचे पैलू आहेत.

स्वयंसेवकांनी भरून देण्यासाठी एक माहितीचा फॉर्म तयार केला असून त्यासाठी office@iphpune.org येथे अथवा 25474705 / 06 या क्रमांकावर श्री प्रदीप कुलकर्णी यांच्याशी संपर्क साधावा.

Write a Comment

Your email address will not be published. Required fields are marked *

शुभंकर : पापण्यांमागचे पाणी आणि आभाळाएवढं मन

जगामध्ये रहाणाऱ्या एकूण लोकसंख्येपैकी सुमारे …

आय.पी.एच.पुणेसाठी भावी स्वयंसेवकांची बैठक

आय.पी.एच. अर्थात इन्स्टिटयूट फॉर सायकॉलॉजिकल हेल्थ …

मनआरोग्य क्षेत्रातील प्रभावी युती : ठाणे आणि पुणे

संस्था उभारणीच्या कामाला लागून बत्तीस वर्षांचा …